【獨媒報導】香港票房有限公司昨日（2日）發布「2024年香港電影市道整體情況」數據，香港去年總票房收入為13.44億元，是撇除2020年至2022年疫情期間，錄得13年新低。香港電影工作者總會發言人田啟文今早接受電台訪問，指去年已共有9間戲院相繼結業，形容票房下跌亦是意料之內：「咁肯定啦，直接係呢個原因。做戲院係唔理你做乜嘢戲㗎嘛，最緊要個票房足夠支撐營運，宜家好明顯話俾你聽成個市場趨勢係唔理想。」
田啟文（資料圖片）
稱未見港產片強勢回歸、個餅冇大到
去年港產片佔總票房收入44.60%，是自2004年以來，港產片票房首次高於荷里活電影。田啟文認為本地票房較理想，是因為香港觀眾支持港產片，以及外語片相對失色，又指情況並非只發生在香港，而是「喺全世界都失色」，變相是「人哋差，變咗我哋相對好返少少」。不過，他亦坦言仍未看到港產片的「強勢回歸」，港產片的整體競爭力仍有待提升：「唔係剩係喺香港有個別電影理想，之後其他就唔理想。」
去年10大最高票房港產片中，《破·地獄》及《九龍城寨之圍城》均分別取得1.4億及1.1億票房收入，第三位則是收4,100萬的《焚城》。田啟文解釋兩齣電影大收與觀眾消費模式改變有關，指兩者都並非在「黃金時段」上映，反映香港觀眾會看電影「只不過係選擇性睇戲」，數字亦證實「個餅冇大到，只係集中去睇。喔！我剩係去睇呢一套」。
資料圖片
香港電影需做得精
被問到香港電影的出路，田啟文坦言要行「精英制」：「你睇到個變化，我哋唔再需要打崩頭爭黃金檔期去上畫，然後就要點樣鋪墊製造話題。」他希望這種模式可以普及，擴闊至其他電影。至於2024年金像獎合資格的參選電影只有45部，較2023年的50部減少，田啟文認為在「做得精」的前提下，未能改變開工不足的隱憂：「投資者會審慎咗，會揀做精啲，唔係為開戲而開戲。」